കുരിശിന്റെ നിഴലിൽ....!!!

മനസ്സിൻ മുറിവുകൾ മൗനത്തിൽ ചാലിച്ച് 

കുരിശിന്റെ നിഴലിൽ നിൽക്കുന്നു ഞാൻ 

ഹൃദയത്തിനുള്ളിലൊരൾത്താരയിൽ 

ബലിപീഠമൊരുക്കി ഞാൻ കാത്തിരിപ്പൂ 

കനിയേണമേ എന്നിൽ അലിയേണമേ 

പാപങ്ങളെല്ലാം പൊറുക്കേണമേ 

എഴുന്നള്ളണേ എന്നിൽ നിറയേണമേ 

വേദനയെല്ലാം സുഖമാക്കണേ 

കരുണാർദ്രസ്നേഹം കുരിശിൽ നിന്നൊഴുകി 

ഹൃദയത്തിൽ നിറയുന്ന നിമിഷം 

അണപൊട്ടിയൊഴുകുമീ മിഴിനീർകണങ്ങൾ 

തൃപ്പാദേ അർപ്പിച്ചു കേഴുന്നു ഞാൻ 

കുരിശിലെ നോവാൽ പാപങ്ങൾ കഴുകി 

മാറോടു ചേർത്തെന്നെ പുല്കി 

പ്രാണൻ വെടിയും നിമിഷമെൻ ഹൃദയത്തിൻ 

അൾത്താരയിൽ ഞാനും ബലിയായ്